tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

gale milnaa na milnaa to teri marzi hai lekin tere chehre se lagta hai teraa dil kar raha hai

tum jo hansati ho to mastaana kanwal lagti ho meer ka she'r ho ghalib kii ghazal lagti ho sang-e-marmar se tarasha hua shaffaaf badan saans leta hua ik taajmahal lagti ho

ye kis ne kaha hai mirii taqdeer banaa de aa apne hi haathon se mitaane ke li.e aa

deewaar hai duniya ise raahon se hata de har rasm-e-mohabbat ko mitaane ke li.e aa

kis vaaste likkha hai hatheli pe mira naam main harf-e-ghalat hooñ to mita kyun nahin dete

KHuda jaane kis kis ki ye jaan legi vo qaateel ada vo qaza mahki mahki