khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ye mujhe chain kyun nahin padta ek hi shaKHs tha jahaan men kya

sab kahaan kuchh laala-o-gul men numayaan ho gaiin KHaak men kya sooraten hongi ki pinhaan ho gaiin

koii veeraani sii veeraani hai dasht ko dekh ke ghar yaad aaya

bedaad-e-ishq se nahin dartaa magar asad jis dil pe naaz tha mujhe vo dil nahin raha

gham agarche jaan-gusil hai pa kahaan bachenge ki dil hai gham-e-ishq gar na hota gham-e-rozgaar hota

nashsha-ha shaadaab-e-rang-o-saaz-ha mast-e-tarab sheesha-e-may sarv-e-sabz-e-joo-e-baar-e-naghma hai