koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ye mujhe chain kyun nahin padta ek hi shaKHs tha jahaan men kya

bade naadaan ho tum bhi zara samjha karo baatein gale milkar jo roti hai bichhadkar kitna royegi

kya khabar kaun tha vo aur meraa kya lagta tha jisse milkar mujhe har shaKHs bura lagta tha

aapko apna banaana chahta hooñ ik nayi duniya basaana chahta hooñ aapko main aazmaana chahta hooñ ik naya ye kaarnaama chahta hooñ

gham-zada geet gungunaana hai haal-e-dil aapko sunaana hai

khilte hi nahin phool dil-o-jaan ke hamaare dil ko teri ulfat men sadaa zakhm mila hai

ghut-ghut ke ji.e mar na sake haay re qismat is daur men jeena bhi meri jaan kalaa hai

taqdeer meri mujhse baghaavat yuñ kar gaii jaise gulon pe khushboo hi ilzaam dhar gaii