koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

sochta hooñ ki dil-e-zaar ka matlab kya hai ek hanste hue beemaar ka matlab kya hai aap kahte hain ki deewaar giraa dii jaa.e aap kii nazron men deewaar ka matlab kya hai

mire kirdaar jaane de nazarandaaz kar de KHuda ki film hai ye aadmi se kya shikaayat

ye kaise saanihe ab pesh aane lag ga.e hain tere aagosh men ham chatpataane lag ga.e hain bahut mumkin hai koi teer hamko aa lagega ham aise log jo panchhi udaane lag ga.e hain

kis kaam ke vo phool jo sabne diye mujhe behtar hai tere haath ka khanjar lage mujhe

udaasi jaise ki uske badan ka hissa hai adhoora lagta hai vo shaKHs agar udaas na ho