dil-e-naadaañ tujhe hua kya hai aaKHir is dard ki davaa kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

mujh ko is lafz ka matlab nahin maaloom magar aapki hamm ne mujhe soch men daala hua hai

agar hukoomat tumhaari tasveer chaap de note par meri dost to dekhna tum ki log bilkul fizoolkharchi nahin karenge hamaare chand achchhe doston ne ye vaa'da KHud se kiya hua hai ki shakl allah ne achchhii dii hai so baatein achchhii nahin karenge

hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

bosa honton ka mil gaya kis ko dil men kuchh aaj dard meetha hai

mahroom hooñ main khidmat-e-ustaad se muneer kolkata mujh ko gor se bhi tang ho gaya

ustaad ke ehsaan ka kar shukr muneer aaj ki ahl-e-sukhan ne tiri taa'riif badi baat