vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

teri KHushiyon ka sabab yaar koi aur hai nadosti mujhse hai aur pyaar koi aur hai na

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

putaliyon men ghula samandar hai motiyon ki dukaan aañkhen hain aap tahqeeq hi nahin karte sab khazaano ki khaan aañkhen hain

saari duniya ko ajnabi karke khush hooñ khilvat se dosti karke

vo ik nadi jo kabhi tez-tez bahti thii vo aaj ret ke maidaan si bichi hui hai main ik darqat tha ashraf kisi zamaane men khizan ke kehar se ab thooth hi bachi hui hai

jo bhi mujh men baaki hai garbadi nikaloonga chaabiyaan banaoonga hathkadi nikaloonga ye jo tum shareefon ko dhouns dete firte ho ek din tumhaari bhi hekadi nikaloonga

hai naaz mujh...ko aap mere raabte men hain mere bhi hisse aa gaye kuchh shaandaar log zindadili ka zikr kahii ho raha ho to sunte hi yaad aate hain bachpan ke yaar log