koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

vo ik nadi jo kabhi tez-tez bahti thii vo aaj ret ke maidaan si bichi hui hai main ik darqat tha ashraf kisi zamaane men khizan ke kehar se ab thooth hi bachi hui hai

roz khota hooñ khyaalon men tumhaari jaanaan roz dhundhli hui tasveer ubhar aati hai

putaliyon men ghula samandar hai motiyon ki dukaan aañkhen hain aap tahqeeq hi nahin karte sab khazaano ki khaan aañkhen hain

udaasi rukh pe phir chhaane lagii hai tumhaari yaad phir aane lagii hai

filhaal mere gham ki davaa kuchh bhi nahin hai sab theek nahin aur hua kuchh bhi nahin hai tum bhi vahii ham bhi vahii haalaat vahii hain har baat puraani hai naya kuchh bhi nahin hai