koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

vo zamaana guzar gaya kab ka tha jo deewaana mar gaya kab ka

jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

mere pados men aise bhi log baste hain jo mujh men dhundh rahe hain buraiyaan apni

tum raah men chup-chaap khade ho to ga.e ho kis kis ko bataoge ki ghar kyun nahin jaate

yakum january hai naya saal hai december men poochhoonga kya haal hai

usii ka shahar vahii muddai vahii munsif ha men yaqeen tha hamaara qusoor niklega

mere junoon ka nateeja zaroor niklega isee siyaah samundar se noor niklega