tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

tune socha bhi hai jaanaan ki tere vaade ne kitnii sadiyon se nahin pahna amal ka paikar

kabhi na laut ke aaya vo shakhs kahtaa tha zara sa hijr hai bas sarsari bichhadna hai

pakad men aati nahin hai kabhi vo shaakh-e-visaal ham ek bosaa-e-gul ke li.e tarsate hain

ye meri zid hi galat thii ki tujhsa ban jaaun main ab na apni tarah hooñ na tere jaisa hooñ hamaare beech zamaane ki badgumaani hai main zindagi se zaraa kam hi baat karta hooñ

jab bhi us kooche men jaana padta hai zakhmon par tezaab lagana padta hai uske ghar se door nahin hai meraa ghar raaste men par ek zamaana padta hai