shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

ye mujhe chain kyun nahin padta ek hi shaKHs tha jahaan men kya

zindagi meri de do kisi aur ko ab na taqat hai aur hausla bhi nahin

in khushk dhadkano kii shifaa karte karte ham dariyaa kinaare dil ye kaii baar rakh chuke

jo bhi mila vo rakh liya hamne sahej kar ab aur kya hi maangte is aashiqi se ham

tum sipaahi aandhiyon ke main diyon ka baadshaah main lada toofaan se bhi phir ye hawa kya cheez hai

kuchh kitaaben hain bas taq par aur har taraf bikhre yaadon ke saa.e