teri soorat se hai aalam men bahaaron ko sabaat teri aankhoñ ke siva duniya men rakha kya hai

aaj ka din bhi aish se guzra sar se paanv tak badan salaamat hai

tujhko batlaata magar sharm bahut aati hai teri tasveer se jo kaam liya jaata hai

tumhaare aane ki ummeed bar nahin aati main raakh hone laga hooñ diye jalate hue

main kis se poochoon ye rastaa durust hai ki galat jahaan se koi guzarta nahin vahaañ hooñ main

ham apni dhoop men baithe hain mushtaaq hamaare saath hai saaya hamaara

yaar sab jama hue raat ki khaamoshi men koi ro kar to koi baal banaa kar aaya

roz milne pe bhi lagta tha ki jug beet ga.e ishq men vaqt ka ehsaas nahin rehta hai

main bahut KHush tha kaddi dhoop ke sannaate men kyun teri yaad ka baadal mere sar par aaya

ye paani KHaamushi se bah raha hai ise dekhen ki is men doob jaayen