tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

siyaah raat nahin letii naam dhalne ka yahii to vaqt hai suraj tire nikalne ka

vaqt rehta nahin kahii tik kar aadat is ki bhi aadmi si hai

tujhe na aayengi muflis ki mushkilaat samajh main chhote logon ke ghar ka badaa hoon baat samajh

zameer bech ke ye bhi ameer ho jaate agar ghareebon men khuddaariyaan nahin hoti

nusrat-e-haq dekhna aashoor tak le jaayegi hasrat-e-deedaar koh-e-toor tak le jaayegi

jisse darte the zamaane ke sitamgar saare aaj ke daur ka vo maalik-e-ashtar na raha

baad men bikhre agar aur bhi hogaa afsos main na bachchon ko naye KHvaab sajaane dooñga

tere qirdaar ke safeene ko khwahish-e-nafs leke doobegi