us..ko fursat nahin milti ki palat kar dekhe ham hi deewane hain deewane bane rahte hain

karta nahin khayal teraa is khayal se tang aa gaya agar tu meri dekhbhaal se chal mere saath aur tabiyat ki fikr chhod do meel door hai meraa ghar aspataal se

main bhi bahut ajeeb hooñ itnaa ajeeb hooñ ki bas KHud ko tabaah kar liya aur malaal bhi nahin

koi itnaa pyaara kaise ho saka hai phir saare ka saara kaise ho saka hai tujhse jab milkar bhi udaasi kam nahin hoti tere baghair guzaara kaise ho saka hai

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

raasta hai ki katata jaata hai fasla hai ki kam nahin hota

bahut kaam lene hain dard-e-jigar se kahiin zindagi ko qaraar aa na jaa.e

zamaana dost hai kis kis ko yaad rakhhoge KHuda kare ki tumhein mujh se dushmani ho jaa.e

vaqt karta hai parvarish barson haadisa ek dam nahin hota