chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

main bhi bahut ajeeb hooñ itnaa ajeeb hooñ ki bas KHud ko tabaah kar liya aur malaal bhi nahin

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

bahut mazaak udaate ho tum ghareebon ka madad to karte ho tasveer kheench lete ho

shaakh se toot ke patte hawa kii or chale jis tarah toote hue dil KHuda kii or chale

shaad-o-aabaad rahe safha har ik dil ka raaj in kitaabon se gulaabon kii mahak aati hai

zakhamon ko gudgudaate chaliye aap dard ko yuñ hansaate chaliye aap

vo gulaab chaand se husn pe tire lag raha tha kamaal ka vo safed rang pe laal rang misaal husn-o-jamaal ka

vo gham-shanaas hai par meraa gham-gusaar nahin pasand karta hooñ us ko par us se pyaar nahin jigar ke paar hua tha tire kamaan ka teer kisi ke teer men varna to aisi dhaar nahin