tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

gulaab KHvaab davaa zahar jaam kya kya hai main aa gaya hooñ bataa intizaam kya kya hai

na karo bahs haar jaayogi husn itni badi daleel nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

khaamoshi jin ko samajhdaar banaati hai raaj apni aawaaz ko vo log taras jaate hain

zindagi ik khoobsurat haadisa hai shakl miTTi ki ghadi bahti hawa hai aansuon se tum sadaa do aayega vo haal-e-dil vo jaanta hai vo KHuda hai

zindagi har sabq saleeqe se jaate jaate sikhaate jaati hai

tumhein dekhe bahut din ho ga.e hain ham ab din gin rahe hain ungliyon par

shaad-o-aabaad rahe safha har ik dil ka raaj in kitaabon se gulaabon kii mahak aati hai