koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

main agar apni jawaani ke suna doon qisse ye jo launde hain mere paanv dabane lag jaa.e

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

ye daagh daagh ujaala ye shab-gazeeda sehar vo intizaar tha jis ka ye vo sehar to nahin

unhin ke faiz se bazaar-e-aql raushan hai jo gaah gaah junoon ikhtiyaar karte rahe

zindagi kya kisi mufalis ki qaba hai jis men har ghadi dard ke paivand lage jaate hain

ham shaikh na lider na musahib na sahafi jo KHud nahin karte vo hidaayat na karenge

na jaane kis li.e ummeed-waar baitha hooñ ik aisi raah pe jo teri raahguzaar bhi nahin