Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

shaayad mujhe kisi se mohabbat nahin hui lekin yaqeen sab ko dilaata raha hooñ main

gale milnaa na milnaa to teri marzi hai lekin tere chehre se lagta hai teraa dil kar raha hai

koocha-e-ishq men nikal aaya jis ko khaana-kharaab hona tha

jahl-e-khird ne din ye dikhaaye ghat ga.e insaan badh ga.e saa.e

humeen jab na honge to kya rang-e-mahfil kise dekh kar aap sharmaaiega

le ke khat un ka kiya zabt bahut kuchh lekin thartharaate hue haathon ne bharam khol diya

garche ahl-e-sharaab hain ham log ye na samjho KHaraab hain ham log