tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

bhool jaana nahin raha taabish vo deewaana nahin raha taabish zindagi ka sulook mere saath dostana nahin raha taabish ham kii hansate hain kyonki rone ko koii shaana nahin raha taabish

kahaanii men tumhaare zikr bhar se meraa kirdaar halka ho raha hai

meraa kirdaar meri baat kahaan sunta hai yah samajhdaar meri baat kahaan sunta hai ishq hai vaa'da faraamosh nahin hai koi dil talabgaar meri baat kahaan sunta hai

ye zamaana ye daur kuchh bhi nahin bas mohabbat hai aur kuchh bhi nahin

ek ajab saanehaa guzra hai mere maazi men meri dilchaspi khatm ho gaii hai shaa dii men