main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

aaj uske gaal choo men hain to andaaza hua chaai achchhii hai magar thoda sa meetha tez hai

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

yuñ lag raha hai qatra-e-may lab par aapke jaise kisi gulaab ki patti par os ho

yuñ lag raha hai koo-e-butaan men mujhe shajar jaise main aaj khuld-e-bari men pahunch gaya

ye she'r baad-e-shajar turbat-e-shajar pe likho safar safar men safar zindagi ka khatm hua