apne dil men takaza hamko aur gale se lagaaoge hamko ham nahin itne pyaar ke qaabil tum to paagal banaoge hamko

roya hooñ to apne doston men par tujh se to hañs ke hi mila hooñ

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

meri tanhaaii dekhenge to hairat hi karenge log mohabbat chhod denge ya mohabbat hi karenge log

tumhaare baad ye dukh bhi to sahna pad raha hai kisi ke saath majboori men rahna pad raha hai

raam likhne lagii main kaaghaz par kaam aasaan ho ga.e mere

apne ki.e pe tum ho pashemaan kis li.e inkaar kar rahi ho meri jaan kis li.e

tumhein to apne kahe par bhi etibaar nahin hamaare baad tumhein bhi kisi se pyaar nahin

har cheez pe chhaai hai udaasi hi udaasi ab ghar mere aayi hai udaasi hi udaasi

dhoop se chaanv kii taraf chalna shahar se gaav kii taraf chalna