bas ek mod mirii zindagi men aaya tha phir is ke baad uljhti gaii kahaanii mirii

phone bhi aaya to shikwe ke li.e phool bhi bheja to murjhaya hua raaste ki mushkilein to jaan luun aata hogaa uskaa thukraaya hua

kaam aaya tiranga kafan ke li.e koii qurbaan hua tha watan ke li.e socho kya kar liya tumne jee kar ke dost nas bhi kaatee to bas ik badan ke li.e

bharii bahaar men ik shaakh par khila hai gulaab ki jaise tu ne hatheli pe gaal rakha hai

hijr men KHud ko tasalli dii kaha kuchh bhi nahin dil magar hansne laga aaya badaa kuchh bhi nahin

tamaam umr ha men saath saath chalna hai bas itnaa kah ke safar kar liya juda usne

tumhaare shahr men aakar thikaana dhundhte hain ham apne shahr men hote to ghar gaye hote

ye maasoom chehra ye qaatil nigaahen bahut khoobsurat hain saari adaayein

tang aa chuke hain apni hi jab zindagi se ham shikwa karen e jaan-e-jaan fir kya kisi se ham

surkh haal-e-zaboon hai yaaro ashk dar ashk KHoon hai yaaro