tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

ham vo hain jo KHuda ko bhool ga.e tum meri jaan kis gumaan men ho

ye ki meraa aasmaañ jo aa gaya nazar tumhein baarishen sikha rahi hain ik naya hunar tumhein

zulm ke qisse sunaaye jab kabhi tafseer se KHoon dheere se utar aaya mirii tasveer se main zameen se yuñ lipt kar ro nahin saktaa faqat aasmaañ ne baandh rakkha hai mujhe zanjeer se

tu ne dozakh maanga tha main le aaya tujhko kya karna us se jo girvi hai

kitne gawaahon. ko mukarte dekhta hooñ main yahaañ vo aadmi lagta bura par dil kahiin to saaf hai

yuñ takht-gaah se rab ka tabaadla dekha isi bina pe farishton men fasla dekha