ham ko yaaron ne yaad bhi na rakha jaun yaaron ke yaar the ham to

teri nigaah-e-naaz se chhoote hue darakht mar jaayen kya karen bataa sukhe hue darakht hairat hai ped neem ke dene lage hain aam pagla ga.e hain aapke choo men hue darakht

vo mujh ko chhod ke jis aadmi ke paas gaya baraabari ka bhi hota to sabr aa jaata

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen

doori hui to unse qareeb aur ham hue ye kaise faasle the jo badhne se kam hue

ruken to dhoop se nazrein bachaate rahte hain chalen to kitne darakht aate jaate rahte hain

main hosh-mand hooñ KHud bhi so meri ghazlon meinna raqs karta hai aashiq na baal kheenchta hai

jo log KHud na karte the honthon se paan saaf palkon se kar rahe hain teraa paaydaan saaf

kisi ke saa.e ko qaid karne ka ek tareeqa bataa raha hooñ ek uske aage charaagh rakh de ek uske peeche charaagh rakh de main dil ki baaton men aa gaya aur utha ke le aaya uski paayal dimaag deta raha sadaaein charaagh rakh de charaagh rakh de

is dil ki iint iint tere baad hil gaii tu chal diya to ishq ki buniyaad hil gaii