sau sau umeedein bandhti hai ik ik nigaah par mujh ko na aise pyaar se dekha kare koi

kore kaagaz par ro rahe ho tum main to samjha padhe likhe ho tum kya kaha mujhse door jaana hai iska matlab hai ja chuke ho tum

use kisi se mohabbat thii aur vo main nahin tha ye baat mujhse zyaada use rulaati thii

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

haan kabhi khwaab-e-ishq dekha tha ab tak aankhoñ se khun tapkata hai

main kisi se apne dil kii baat kah saktaa na tha ab sukhun kii aad men kya kuchh na kehna aa gaya

apni ujadi hui duniya kii kahaanii hooñ main ek bigdi hui tasveer-e-jawaani hooñ main

us se pooche koii chaahat ke maze jis ne chaaha aur jo chaaha gaya

roye baghair chaara na rone kii taab hai kya cheez uf ye kaifiyat-e-iztiraab hai