tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

yaad-e-maazi azaab hai ya-rab cheen le mujh se hafiza meraa

main kisi se apne dil kii baat kah saktaa na tha ab sukhun kii aad men kya kuchh na kehna aa gaya

haan kabhi khwaab-e-ishq dekha tha ab tak aankhoñ se khun tapkata hai

jab se munh ko lag gaii akhtar mohabbat kii sharaab be-piye aathon pahar madhosh rahna aa gaya

apni ujadi hui duniya kii kahaanii hooñ main ek bigdi hui tasveer-e-jawaani hooñ main