vo jispar uski rahmat ho vo daulat maangtaa hai kya mohabbat karne vaala dil mohabbat maangte hai kya tumhaara dil kahe jab bhi ujaala ban ke aa jaana kabhi ugta hua suraj izazat maangtaa hai kya

aur bhi dukh hain zamaane men mohabbat ke siva raahatein aur bhi hain vasl ki raahat ke siva

vo nahin meraa magar us se mohabbat hai to hai ye agar rasmon rivaajon se baghaavat hai to hai

ye kehna tha un se mohabbat hai mujh ko ye kehne men mujh ko zamaane lage hain

mohabbat se mohabbat mil gaii jaise ki sehra men kali ik khil gaii jaise na jaane kaise tum bin jee raha tha main samajh lo har ghadi mushkil gaii jaise

yaad-e-maazi azaab hai ya-rab cheen le mujh se hafiza meraa

haan kabhi khwaab-e-ishq dekha tha ab tak aankhoñ se khun tapkata hai

main kisi se apne dil kii baat kah saktaa na tha ab sukhun kii aad men kya kuchh na kehna aa gaya

roye baghair chaara na rone kii taab hai kya cheez uf ye kaifiyat-e-iztiraab hai

apni ujadi hui duniya kii kahaanii hooñ main ek bigdi hui tasveer-e-jawaani hooñ main