koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

ham vo hain jo KHuda ko bhool ga.e tum meri jaan kis gumaan men ho

zehan se yaadon ke lashkar ja chuke vo meri mehfil se uth kar ja chuke meraa dil bhi jaise pakistan hai sab hukoomat karke baahar ja chuke

aaj kisi ne baaton baaton men jab un ka naam liya dil ne jaise thokar khaai dard ne badh kar thaam liya

Daur e toofan mein bhi jee lete hain jeene vaale

ye chaar din kii rifaqat bhi kam nahin ai dost tamaam umr bhala kaun saath deta hai

rah-e-talab men kise aarzoo-e-manzil hai shooor ho to safar KHud safar ka haasil hai