meri tanhaaii dekhenge to hairat hi karenge log mohabbat chhod denge ya mohabbat hi karenge log

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

main jab mar jaaun to meri alag pahchaan likh dena lahu se meri peshaani pe hindustan likh dena

gham-e-furqat ka shikwa karne waali meri maujoodgi men so rahi hai

ye nahin hai ki vo ehsaan bahut karta hai apne ehsaan ka elaan bahut karta hai aap is baat ko sach hi na samajh leejiyega vo meri jaan meri jaan bahut karta hai

ik teraa hijr daaimi hai mujhe warna har cheez aarzi hai mujhe

koi samundar koi nadi hoti koi dariyaa hota ham jitne pyaase the hamaara ek gilaas se kya hota

yuñ nahin hai ki faqat main hi use chahta hooñ jo bhi us ped ki chaanv men gaya baith gaya

teri tasveer hat jaayegi lekin nazar deewaar par jaati rahegi

main ki kaaghaz ki ek kashtii hooñ pahli baarish hi aakhiri hai mujhe