Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

gale milnaa na milnaa to teri marzi hai lekin tere chehre se lagta hai teraa dil kar raha hai

itni milti hai mirii ghazalon se soorat teri log tujh ko mira mahboob samjhte honge

ye uski mohabbat hai ki rukta hai tere paas varna teri daulat ke siva kya hai tere paas

is li.e raushni men thandak hai kuchh charaaghon ko nam kiya gaya hai

ik teraa hijr daaimi hai mujhe warna har cheez aarzi hai mujhe

tamaam nakhuda saahil se door ho jaayen samundron se akelaa men baat karne hai

main junglon ki taraf chal pada hooñ chhod ke ghar ye kya ki ghar ki udaasi bhi saath ho gaii hai

paraai aag pe roti nahin banaoonga main bheeg jaaunga chhatri nahin banaoonga