chaan dii sona ek taraf teraa hona ek taraf ek taraf teri aañkhen jaadu toona ek taraf

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

hazaaron saal nargis apni be-noori pe roti hai badi mushkil se hota hai chaman men deeda-war paida

rang ki apni baat hai warna aakhirsh KHoon bhi to paani hai

farq itnaa hai ki tu parde men aur main be-hijaab warna main aks-e-mukammal hooñ tiri tasveer ka

na aaya gham bhi mohabbat men saazgaar mujhe vo KHud tadap ga.e dekha jo be-qaraar mujhe

jab zaraa raat hui aur mah o anjum aa.e baar-ha dil ne ye mehsoos kiya tum aa.e

haalaat ne kisi se juda kar diya mujhe ab zindagi se zindagi mahroom ho gaii

ajab andaaz ke shaam-o-sehar hain koi tasveer ho jaise adhuri