tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham vo hain jo KHuda ko bhool ga.e tum meri jaan kis gumaan men ho

ajal se lekar ab tak auraton ko siwaye jism kya samjha gaya hai

jaagna aur jaga ke so jaana raat ko din banaa ke so jaana

asar ke vaqt mere paas na baith mujh pe ik sanwali ka saaya hai

main sochta hooñ na jaane kahaan se aa ga.e hain hamaare beech jamaane kahaan se aa ga.e hain

ham aisa kehne waale jab talak hai ghazal bandooq par bhari rahegi