tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

lad sako duniya se jazbon men vo shiddat chahiye ishq karne ke li.e itni to himmat chahiye kam se kam maine chhupa li dekh kar cigarette tumhein aur is ladke se tumko kitnii izzat chahiye

zaraa thehro ki shab feeki bahut hai tumhein ghar jaane kii jal dii bahut hai zaraa nazdeek aakar baith jaao tumhaare shahar men sar dii bahut hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

jo tumhein manzil pe le jaayeñgi vo raahen alag hain main vo rastaa hooñ ki jis par tum bhatk kar aa gaii ho

takra gaya vo mujh se kitaaben li.e hue phir meraa dil aur us kii kitaaben bikhar gaiin

kaii jawaabon se achchhii hai KHaamushi merina jaane kitne sawaalon kii aabroo rakhe

ek patta shajar-e-umr se lo aur giraa log kahte hain mubarak ho naya saal tumhein

ab ke baar mil ke yuñ saal-e-nau manaaenge ranjishen bhula kar ham nafratein mitaayenge

watan ki KHaak zaraa ediyaan ragadne de mujhe yaqeen hai paani yahiin se niklega