maykhaane ki qadr hai meri nazaron men isne jaane kitnii mautein taali hain

ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

mujh ko chaanv men rakha aur KHud bhi vo jalta raha main ne dekha ik farishta baap ki parchhaaien men

na jee bhar ke dekha na kuchh baat ki badi aarzoo thii mulaqaat ki

yahii anjaam akshar ham ne dekha hai mohabbat ka kahii radha tarasti hai kahii kaanha tarasta hai

ye jabr bhi dekha hai taarikh ki nazaron ne lamhon ne KHataa ki thii sadiyon ne saza paai

vo mire saamne dulhan ki tarah baithe hain KHvaab achha hai magar KHvaab men kya rakha hai