aaj dekha hai tujh ko der ke ba'd aaj ka din guzar na jaa.e kahii

zindagi bhar ke li.e dil pe nishaani pad jaa.e baat aisi na likho likh ke mitaani pad jaa.e

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

ye vahii hooñ main vo hi haara hua phir vahii din hai..wo guzaara hua kaise apni taraf chala aaya main kisi aur ka pukaara hua

jalte diye sa ik bosa rakh kar us ne chamak badha dii hai meri peshaani ki

vo jo paagal tha ab vo kaisa hai aise vo poochta hai haal meraa

gali men baithe hain uski nazar jamaaye hue hamaare bas men faqat intizaar karna hai

mirii subh ka yoon bhi izhaar ho piyaala ho coffee ka akhbaar ho koi jurm saabit na ho uskaa phir jo teri hañsi men girftaar ho