haar ho jaati hai jab maan liya jaata hai jeet tab hoti hai jab thaan liya jaata hai

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

kyuuñ darein zindagi men kya hogaa kuchh na hogaa to tajurba hogaa

ye sochte rahna mujhe paagal hi na kar de ye sochte rahna ki main paagal to nahin hooñ

meraa zaroori isliye tha doobna tinke ki taakat jaanne ko mil gaii

pahle khayaalon ko utaara panne par maine magar phir uspe syaahi fenk dii

itnaa badaa sansaar hai phir bhi mujhe chaahat hui us hi ki jo meraa nahin

ab chhod kar tanhaa mujhe masroof hai vo bhi kahii uske li.e bhi main faqat tadbeer tha tanhaaii ka

main bhula dooñga use kuchh vaqt men bas ik zamaana ho raha ye jhooth bole