kisi gali men kiraye pe ghar liya usne phir us gali men gharo ke kiraye badhne lage

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tasveer ik jala ke bujhaata raha hooñ main uske hi paas laut ke jaata raha hooñ main ye na-tamaam KHvaab haqeeqat hon kis tarah har pal to apni neend udaata raha hooñ main

tanhaaii ho hijr ho baatein karne ko tarse ye dil ishq hua vo jis men ye haalaat musalsal rahte hon

soz-e-wafa ke naam se armaan the bahut lekin dayaar e-ishq se anjaan the bahut lagta tha unhen ishq ki raahen hain munaakid aakar ke raah-e-ishq men hairaan the bahut

jo log vaqt ke chalte yahaañ badalte nahin vo gir ke uthte hai lekin kabhi sambhalte nahin main ek tarafaa muhabbat ki kya misaalen doon ye log aag pe chalte hain aur jalte nahin

ye jis aag ki baat tum kar rahe ho tum us aag ka to dhuaan bhi nahin ho