mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

dil na-umeed to nahin naakaam hi to hai lambi hai gham ki shaam magar shaam hi to hai

tum bahut KHush rahogi mere saath vaise har ik ki apni marzi hai

nahin lagega use dekh kar magar KHush hai main KHush nahin hooñ magar dekh kar lagega nahin

kya galat-fahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

ye kya ki vo jab chahe mujhe cheen le mujh se apne li.e vo shaKHs tadpata bhi to dekhooñ

us se ik baar to roothoon main usii kii maanind aur meri tarah se vo mujh ko manaane aa.e

jugnoo ko din ke vaqt parkhne ki zid karen bacche hamaare ahd ke chaalaak ho ga.e

baarishen jaade ki aur tanhaa bahut meraa kisaan jism aur iklaauta kambal bheegta hai saath-saath