na jaane kyun gale se lagne ki himmat nahin hotina jaane kyun pitaa ke saamne bete nahin khulte

vo jispar uski rahmat ho vo daulat maangtaa hai kya mohabbat karne vaala dil mohabbat maangte hai kya tumhaara dil kahe jab bhi ujaala ban ke aa jaana kabhi ugta hua suraj izazat maangtaa hai kya

nigaahon ke taqaze chain se marne nahin dete yahaañ manzar hi aise hain ki dil bharne nahin dete humeen un se umeedein aasmaañ choone ki karte hain humeen bacchon ko apne faisley karne nahin dete

kuchh to majbooriyaan rahi hongi yuñ koi be-vafa nahin hota

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

ye tumhein kya hua hai kya gham hai tum batao to aankh kyuuñ nam hai ek hi ghoont men shifaa hogii peeke dekho ye aab-e-zamzam hai

yaar ki yaar se judaai hai hijr ki yaad se ladai hai gham se meraa udaas hai bistar yaad teri zafar jo aayi hai

vo bade hi sakht tevar men dikha hai ishq ke bhi aaj fever men dikha hai ho gaii kafoor chehre ki kashish bhi hijr ka gham uske zevar men dikha hai

zulm kii intiha burii hogii soch kar bas ye mar gaya koii

muhabbat ye muhabbat vo muhabbat sivaae dard-o-gham ke kuchh nahin hai