tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

zulm kii intiha burii hogii soch kar bas ye mar gaya koii

tum yaqeen mat masheen par rakhna paanv apne zameen par rakhna vo zafar jaal men fasaayega tum nazar us haseen par rakhna

jang maidan-e-jang men hogii qatl bhi ab kisi ko hona hai

mujh ko bakshi hai tu ne khuddaari muflisi dil se shukriya teraa

jo adab ki hai pahchaan padhta hooñ main meer-o-ghalib ka deevaan padhta hooñ main mat padhaao mujhe paath nafrat ka tum amn jis men hai quraan padhta hooñ main