hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ye mujhe chain kyun nahin padta ek hi shaKHs tha jahaan men kya

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

mujh ko bhi unhin men se koi ek samajh le kuchh masale hote hain na jo hal nahin hote

husn bala ka kaatil ho par aakhir ko bechaara hai ishq to vo kaatil jisne apnon ko bhi maara hai ye dhoke deta aaya hai dil ko bhi duniya ko bhi iske chhal ne khaar kiya hai sehra men leila ko bhi

zulm kii intiha burii hogii soch kar bas ye mar gaya koii

yuñ sitam usne maa pe dhaaya hai maa ke zevar hi bech aaya hai chaaploosi hai karta biwi ki aur maa ko faqat sataaya hai

tum yaqeen mat masheen par rakhna paanv apne zameen par rakhna vo zafar jaal men fasaayega tum nazar us haseen par rakhna

ye tumhein kya hua hai kya gham hai tum batao to aankh kyuuñ nam hai ek hi ghoont men shifaa hogii peeke dekho ye aab-e-zamzam hai

sab humeen par hi laazmi hai kya tum bhi vaa'da kabhi karo koii