agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

hazaaron saal nargis apni be-noori pe roti hai badi mushkil se hota hai chaman men deeda-war paida

le de ke apne paas faqat ik nazar to hai kyun dekhen zindagi ko kisi ki nazar se ham

zaraa thehro ki shab feeki bahut hai tumhein ghar jaane kii jal dii bahut hai zaraa nazdeek aakar baith jaao tumhaare shahar men sar dii bahut hai

mere naam se kya matlab hai tumhein mit jaayega ya rah jaata hai jab tum ne hi saath nahin rahna phir peeche kya rah jaata hai mere paas aane tak aur kisi ki yaad use kha jaati hai vo mujh tak kam hi pahunchta hai kisi aur jagah rah jaata hai

ye tumhein kya hua hai kya gham hai tum batao to aankh kyuuñ nam hai ek hi ghoont men shifaa hogii peeke dekho ye aab-e-zamzam hai

yuñ sitam usne maa pe dhaaya hai maa ke zevar hi bech aaya hai chaaploosi hai karta biwi ki aur maa ko faqat sataaya hai

tum yaqeen mat masheen par rakhna paanv apne zameen par rakhna vo zafar jaal men fasaayega tum nazar us haseen par rakhna

vo bade hi sakht tevar men dikha hai ishq ke bhi aaj fever men dikha hai ho gaii kafoor chehre ki kashish bhi hijr ka gham uske zevar men dikha hai

hui hai aankh kyuuñ pur-nam samajh le zafar ke pyaar ko hamdam samajh le sahi jaati nahin furqat tiri ab mire gham ko tu apna gham samajh le