tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

shaakhon se toot jaayen vo patte nahin hain ham aandhi se koi kah de ki auqaat men rahe

vo ped yuñ patton se juda rahne laga hai jaise koii apnon se juda rahne laga hai paison kii kamii aa.e na bachchon pe kabhi bhi vo baap to bachchon se juda rahne laga hai

uske qareeb baith ke KHaamosh kyun raha dil chahta tha usse zaraa guftagoo karoon

ye bhool hai duniya kii kaii saal jiyeenge lagti hai mujhe zindagi lamhon kii kahaanii

tabdeel hua gaav mira shahar men jab se bachcha bhi darakhton se juda rahne laga hai

ta-umr jiski aankh ne dekha nahin mujhe ta-umr ke li.e vo mire paas aa gaya