Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

gale milnaa na milnaa to teri marzi hai lekin tere chehre se lagta hai teraa dil kar raha hai

ham vo hain jo KHuda ko bhool ga.e tum meri jaan kis gumaan men ho

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jis taraf tu hai udhar hongi sabhi ki nazrein eed ke chaand ka deedaar bahaana hi sahi

vo tire naseeb ki baarishen kisi aur chat pe baras gaiin dil-e-be-khabar mirii baat sun use bhool ja use bhool ja

kahaan aa ke rukne the raaste kahaan mod tha use bhool ja vo jo mil gaya use yaad rakh jo nahin mila use bhool ja

vo jo geet tum ne suna nahin meri umr bhar ka riyaaz tha mere dard ki thii vo dastaan jise tum hañsi men uda ga.e

sawaal ye hai ki aapas men ham milen kaise hamesha saath to chalte hain do kinaare bhi