ye alag baat ki KHaamosh khade rahte hain phir bhi jo log bade hain vo bade rahte hain

poochte hain vo ki ghalib kaun hai koi batlaao ki ham batlaayein kya

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

dekha jo kha ke teer kameen-gaah ki taraf apne hi doston se mulaqaat ho gaii

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

kis munh se kah rahe ho ha men kuchh garz nahin kis munh se tum ne wa'ada kiya tha nibaah ka

haan main to li.e firta hooñ ik sajda-e-betaab un se bhi to poochho vo KHuda hain ki nahin hain