main unhin aabaadiyon men jee raha hota kahii tum agar hanste nahin us din meri taqdeer par

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

meraa armaan meri KHvaahish nahin hai ye duniya meri basaaoge nahin hai main tere KHvaab waapas kar raha hooñ meri aankhoñ men gunjaish nahin hai

apne men'yaar se neeche to main aane se raha she'r bhookha hooñ magar ghaas to khaane se raha

tum meri taraf dekhna chhodo to bataaun har shaKHs tumhaari hi taraf dekh raha hai

vaise to uskaa naam nahin haafeze men ab mumkin hai roobroo jo kabhi ho pukaar doon

jise tum kaat aaye us shajar ko dhoondhta hogaa parinda lautkar ke apne ghar ko dhoondhta hogaa

is kadar KHvaab hain vasl ke aankh men aable paanv ke hamko dikhte nahin

teraa likkha jo padhoon to teri awaaz sunoon teri awaaz sunoon to teraa chehra dekhooñ

guzishta saal shaayad theek se maara nahin tha ye raavan is baras phir saamne tankar khada hai