main chahta tha mujhse bichhad kar vo KHush rahe lekin vo KHush hua to badaa dukh hua mujhe

vo paas kya zaraa sa muskuraa ke baith gaya main is mazaaq ko dil se laga ke baith gaya darkhat kaat ke jab thak gaya lakadhara to ik darkhat ke saa.e men ja ke baith gaya

hawa chali to uski shawl meri chat pe aa giri ye us badan ke saath meraa pehla raabta hua

ab ha men dekh ke lagta to nahin hai lekin ham kabhi uske pasandeeda hua karte the

mas'ala ye nahin ki ishq hua hai ham ko mas'ala ye hai ki izhaar kiya jaana hai

vaqiaa'a kuchh bhi ho sach kehne men ruswaai hai kyun na KHaamosh rahoon ahl-e-nazar kahlaaun

mumkin ho aap se to bhula deejie mujhe patthar pe hooñ lakeer mita deejie mujhe

ye sochkar ki teri jabeen par na bal pade bas door hi se dekh liya aur chal pade dil men phir ik kasak sii uthi muddaton ke baad ik umr ke ruke hue aañsu nikal pade

tujh men kas-bal hai to duniya ko baha kar le ja chaai kii pyaali men toofaan uthaata kya hai

jalte hain ik charaaghh ki lau se kaii charaaghh duniya tire khayal se raushan hui to hai