baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ye alag baat ki KHaamosh khade rahte hain phir bhi jo log bade hain vo bade rahte hain

vaqiaa'a kuchh bhi ho sach kehne men ruswaai hai kyun na KHaamosh rahoon ahl-e-nazar kahlaaun

mumkin ho aap se to bhula deejie mujhe patthar pe hooñ lakeer mita deejie mujhe

ye sochkar ki teri jabeen par na bal pade bas door hi se dekh liya aur chal pade dil men phir ik kasak sii uthi muddaton ke baad ik umr ke ruke hue aañsu nikal pade

ye samajh ke maana hai sach tumhaari baaton ko itne KHoob-soorat lab jhooth kaise bolenge

tujh men kas-bal hai to duniya ko baha kar le ja chaai kii pyaali men toofaan uthaata kya hai