gaali ko pranaam samajhna padta hai madhushaala ko dhaam samajhna padta hai aadhunik kahlaane ki andhi jid men raavan ko bhi raam samajhna padta hai

paron ko khol zamaana udaan dekhta hai zameen pe baith ke kya aasmaan dekhta hai

kis li.e dekhti ho aaina tum to KHud se bhi khoobsurat ho

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

bharam rakha hai tere hijr ka varna kya hota hai main rone pe aa jaaun to jharna kya hota hai meraa chhodo main nain thakta meraa kaam yahii hai lekin tumne itne pyaar ka karna kya hota hai

ye sochkar ki teri jabeen par na bal pade bas door hi se dekh liya aur chal pade dil men phir ik kasak sii uthi muddaton ke baad ik umr ke ruke hue aañsu nikal pade

vaqiaa'a kuchh bhi ho sach kehne men ruswaai hai kyun na KHaamosh rahoon ahl-e-nazar kahlaaun

tujh men kas-bal hai to duniya ko baha kar le ja chaai kii pyaali men toofaan uthaata kya hai

jalte hain ik charaaghh ki lau se kaii charaaghh duniya tire khayal se raushan hui to hai

mumkin ho aap se to bhula deejie mujhe patthar pe hooñ lakeer mita deejie mujhe