mujh aisa shaKHs agar qahqahon se bhar jaa.e ye saans letii udaasi to ghut ke mar jaa.e vo mere baad taras jaayega mohabbat ko use ye kehna agar ho sake to mar jaa.e

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sitaare aur qismat dekh kar ghar se nikalte hain jo buzdil hain muhoorat dekhkar ghar se nikalte hain ha men lekin safar ki mushkilon se dar nahin lagta ki ham bacchon ki soorat dekhkar ghar se nikalte hain

pyaar ka rishta aisa rishta shabnam bhi chingaari bhi yaanii unse roz hi jhagda aur unhin se yaari bhi

rakh ke har cheez bhoolne waali la teraa dil sanbhaal kar rakh doon

raftaar itni tez thii sailaab-e-dard ki aankhoñ ke baandh tod ke aañsu nikal pade phir bhi na aaftaab ki gairat ko aaya hosh taariqiyaan mitaane ko jugnoo nikal pade

waqt jab khaas koii aata hai tab milta hai yah zamaana hai zaroorat ke sabab milta hai

nikaaloon kaise main do din kii zindagi men waqt pachaas kaam mire ek din men rahte hain

bahaar lab pa hañsi ki na jaane kab guzri bagair ashk bahaaye na koi shab guzri

jab haqeeqat men tumhein irfaan-e-gham ho jaayega jis qadar tootega yah dil mohtaram ho jaayega