kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dukh apna agar ham ko bataana nahin aata tum ko bhi to andaaza lagana nahin aata

shaakhon se toot jaayen vo patte nahin hain ham aandhi se koi kah de ki auqaat men rahe

zindagi khatm hone waali hai aisa lagta hai kuchh adhoora hai

jab haqeeqat men tumhein irfaan-e-gham ho jaayega jis qadar tootega yah dil mohtaram ho jaayega

raftaar itni tez thii sailaab-e-dard ki aankhoñ ke baandh tod ke aañsu nikal pade phir bhi na aaftaab ki gairat ko aaya hosh taariqiyaan mitaane ko jugnoo nikal pade

nikaaloon kaise main do din kii zindagi men waqt pachaas kaam mire ek din men rahte hain

bahaar lab pa hañsi ki na jaane kab guzri bagair ashk bahaaye na koi shab guzri